By ڈرائیونگ لائسنس کی فیسوں میں ہوشربا اضافہ کر دیا گیا۔
تفصیلات کے مطابق حکومت کی جانب سے ڈرائیونگ لائسنس کی فیسوں میں بڑا اضافہ کرنے کا نوٹیفکیشن جاری کردیا گیا ہے۔ جاری نوٹیفکیشن کے مطابق لرنرلائسنس کی فیس تین سو روپے سے بڑھا کر ایک ہزار روپے کر دی گئی ہے جبکہ ڈرائیونگ لائسنس کی فیس تین ہزار روپے کر دی گئی ہے۔ اس کے علاوہ پی ایس و ی لائسنس کی فیس بڑھا کر دس ہزار روپے اور موٹرسائیکل لائسنس کی فیس بھی دس ہزار روپے کر دی گئی ہے۔جبکہ شہریوں کو اب ہر قسم کے لائسنس پر دو ہزار روپے ڈیجیٹلائزیشن فیس بھی ادا کرنا ہوگی۔ نئی فیسوں کا اطلاق کل سے شروع ہوجائیگا۔
مزید پڑھیں: شہری اب ڈاکخانوں میں بھی شناختی کارڈ بنوا سکیں گے
دوسری جانب وفاقی دارالحکومت کی پولیس نے جدید ٹیکنالوجی کا استعمال کرتے ہوئے شہریوں کو ان کی دہلیز پر ڈرائیونگ لائسنس فراہم کرنے کی سہولت کا آغاز کردیا۔آئی جی اسلام آباد سید علی ناصر رضوی اور ایس ایس پی ٹریفک سرفراز ورک کی ہدایات کی روشنی میں ڈرائیونگ لائسنس کی تجدید، لارنر پرمٹ، متبادل لائسنس کی سہولت فراہم کرنے کے لیے تین جدید ترین سہولیات سے آراستہ گاڑیاں تیار کر گئی ہیں۔خصوصی وفاقی تعلیمی اداروں کالجوں، یونیورسٹیوں، پبلک پارکوں اور جسمانی معذور افراد کے ساتھ ساتھ 70 برس سے زائد عمر کے افراد کے ڈرائیونگ لائسنس بنانے کی سہولت دی گئی ہے۔گزشتہ روز ڈرائیونگ سہولت سینٹر وین میں اسلام آباد ٹریفک پولیس کے اہلکاروں عمران اور فواد نے آبپارہ مارکیٹ کے قریب شہریوں کی معاونت کی، جس میں بڑی تعداد میں شہریوں نے اپنے لائسنسز بنوائے۔شہریوں کا کہنا تھا کہ اسلام آباد میں اس سہولت کے آغاز سے عوام کو فائدہ ہو رہا ہے، حکام بالا کو ان سہولت سینٹر کی گاڑیوں کی تعداد میں اضافہ کرنا ہوگا۔ایکسپریس سے گفتگو کرتے ہوئے ان کا کہنا تھا کہ اس سہولت کو مزید بہتر بنایا جائے اور مساجد، ہسپتالوں اور ضلعی کچہری میں سہولت دی جائے۔اسلام آباد ٹریفک پولیس کے پی آر او محمد نویس کا کہنا تھا کہ سہولت کی مزید بہتری کے ساتھ ساتھ شہریوں میں عوامی آگاہی پروگرام شروع کیے جائیں گے۔
