By انٹرنیشنل کرکٹ کونسل(آئی سی سی ) نے مینز اور ویمنز پلیئر آف دی منتھ کے فاتح کھلاڑیوں کا اعلان کر دیا۔
مردوں کی کیٹیگری میں متحدہ عرب امارات کے بیٹسمین محمد وسیم پلیئر آف دی منتھ قرار پائے ہیں، محمد وسیم نے اپریل میں اے سی سی پریمیئر کپ کے دوران مجموعی طور پر 269 رنز بنائے جس میں عمان کے خلاف فائنل میچ میں 56 گیندوں پر ان کی شاندار سنچری بھی شامل تھی۔ وہ یو اے ای کے پہلے کھلاڑی ہیں جنہیں یہ اعزاز حاصل ہوا ہے۔ خواتین کی کیٹیگری میں ویسٹ انڈیز کی کپتان ہیلی میتھیوز کو پلیئر آف دی منتھ قرار دیا گیا۔
مزید پڑھیں:ٹی 20 انٹرنیشنل کرکٹ، بابراعظم تاریخ کے کامیاب ترین کپتان بن گئے
ان کی قیادت میں ویسٹ انڈیز کی ویمنز ٹیم اپنے دورہ پاکستان کے دوران میزبان ٹیم کے خلاف ٹی ٹوئنٹی اور ون ڈے سیریز جیتنے میں کامیاب ہوئی۔ ہیلی میتھیوز نے پاکستان کےخلاف پہلے اور تیسرے ون ڈے میں سنچریاں اسکور کیں جب کہ ایک میچ میں 44 رنز بنائے، پانچ میچوں کی ٹی ٹوئنٹی سیریز میں ہیلی میتھیوز نے مجموعی طور پر 205 رنز اسکور کئے۔
